Ürək sağlamlığını qoruyan qidalar hansılardır?

Ürək sağlamlığını qorumaq üçün balanslaşdırılmış pəhriz mühüm rol oynayır. Mütəxəssislərin fikrincə, bu sahədə məlum məhsul olmasa da, düzgün qidalanma vasitəsilə ürək-damar sistemini gücləndirmək mümkündür.

TodayPress TV xəbər verir ki, ürəyə faydalı qidalanmanın qızıl standartı kimi Aralıq dənizi pəhrizi göstərilir. 

Bu pəhriz gündə ən azı 500 qram tərəvəz, balıq, qoz-fındıq, toxum, bitki mənşəli sağlam yağlar və orta miqdarda protein istifadəsini tövsiyə edir.

Ürək üçün xüsusilə faydalı hesab edilən "omeqa-3" yağ turşuları damar iltihabının azalmasına kömək edir. Bu faydalı maddələr somon, skumbriya və sardina kimi yağlı dəniz balıqlarında olur. Bundan əlavə, maqnezium və "E" vitamini də ürək fəaliyyətini dəstəkləyən mühüm elementlərdir.

Mütəxəssislər həmçinin ürək sağlamlığını gücləndirmək üçün ən azı 70 faiz kakao tərkibli tünd şokoladın istifadəsini və kartofun qabığında bişirilməsini tövsiyə edirlər. Belə hazırlanmış kartofun qabığı kaliumla zəngindir, bu isə qan təzyiqinin tənzimlənməsinə və ürək funksiyasının yaxşılaşmasına töhfə verir.

Türkan İsgəndərli