Gözləntiləri doğrultmadı: İspaniyalı ulduz Parisdən qovulur?

PSJ-nin baş məşqçisi Luis Enrike mövsümün əvvəlində “Barselona”dan transfer edilmiş Ferran Torresin oyunundan məyus qalıb. 

TodayPress TV xəbər verir ki, bu barədə “Sport.fr” nəşri məlumat yayıb.

İspaniyalı hücumçu artıq klubdan ayrılmaq ehtimalı olan namizədlərə çevrilib.

Mənbənin bildirdiyinə görə, Enrikenin oyunçuya qarşı səbri tükənib. Məşqçi ondan daha yüksək məhsuldarlıq və komanda hərəkətlərində daha fəal iştirak gözləyirdi. “Barselona”ya qayıdış variantı müzakirə olunsa da, bu ssenari az ehtimal olunan görünür, çünki kataloniya klubu onun geri qaytarılması üçün heç bir addım atmır.

PSJ Torresi İtaliyanın “Komo” klubundan yarımmüdafiəçi Niko Pasın transferi üzrə sövdələşməyə daxil edə bilər. İspaniyalı hücumçunun da əlavə olunduğu 60 milyon avro məbləğində təklif nəzərdən keçirilir. Lakin hələlik klubların əyani danışıqlara başladıqlarına dair heç bir əlamət yoxdur.

Namiq HUN