Yerə zibil atanları 10 min manatadək cərimə gözləyir

Azərbaycanda torpaqları tullantılarla zibilləndirən və çirkləndirən şəxslər minlərlə manat cərimələnə bilər.

TodayPress TV xəbər verir ki, bu barədə Trend məlumat yayıb.

Məlumata görə, torpaqların, o cümlədən meşə fondu torpaqlarının tullantılarla zibilləndirilməsinə, kimyəvi maddələr və çirkab sularla çirkləndirilməsinə görə fiziki şəxslər 500 manatdan 800 manatadək, vəzifəli şəxslər 2 000 manatdan 2 500 manatadək, hüquqi şəxslər isə 7 500 manatdan 10 000 manatadək cərimə edilə bilər.

Bundan başqa, torpaqların və meşə fondu torpaqlarının münbit qatının korlanmasına görə fiziki şəxslər 600-1 000 manat, vəzifəli şəxslər 2 000-3 000 manat, hüquqi şəxslər isə 6 000-8 000 manat məbləğində cərimələnə bilər.