Yeni dərman yuxu apnoesinin simptomlarını azalda bilər

Avropalı alimlər "sultiame" adlı dərmanın obstruktiv yuxu apnoesinin simptomlarını azalda biləcəyini müəyyən ediblər.

TodayPress TV xəbər verir ki, tədqiqatın nəticələri "The Lancet" jurnalında dərc olunub.

Araşdırmada orta və ağır dərəcəli yuxu apnoesi olan 298 nəfər iştirak edib. Nəticələr göstərib ki, sultiame qəbul edən xəstələrdə gecə vaxtı tənəffüsün dayanması halları təxminən 47% azalıb, həmçinin qanda oksigen səviyyəsi yaxşılaşıb.

Alimlərin sözlərinə görə, dərman nəfəs alma mexanizmini stimullaşdırır və yuxu zamanı tənəffüs yollarının bağlanma riskini azaldır.

Hazırda yuxu apnoesinin əsas müalicəsi xüsusi hava verən maskadır, lakin bir çox xəstə narahatlıq səbəbilə bu üsulu uzun müddət istifadə edə bilmir.

Qiymət Mahir