Qaraciyərin qoruyucusu olan tərəvəzin adı açıqlandı

Pomidor qaraciyərdə yağ yığılmasını azalda və metabolik olaraq əlaqəli yağlı qaraciyər xəstəliyi ilə bağlı iltihabı zəiflədə bilər.

TodayPress TV  xəbər verir ki, bu barədə "Gazeta.ru"da tədqiqat məqaləsi dərc olunub.

Tədqiqatda alimlər antioksidantlarla zəngin pomidor əlavəsinin insan qaraciyər hüceyrələrinə təsirini araşdırıblar. Onlar müəyyən ediblər ki, bu əlavə hüceyrələrdə toplanan lipidlərin, o cümlədən triqliseridlərin və xolesterin efirlərinin səviyyəsini azaldır. Həmçinin hüceyrə zədələnməsi və iltihabla əlaqəli birləşmələrin səviyyəsi də aşağı düşüb.

Bundan əlavə, əlavə xəstəliyin irəliləməsində iştirak edən zülalların fəaliyyətini zəiflədir. Bunlara iltihab, hüceyrə ölümü və fibrozla əlaqəli siqnal molekulları daxildir. Bu proseslər sonda sirroz və qaraciyər xərçənginə səbəb ola bilər.

Tədqiqatçılar qeyd edirlər ki, bu təsir tək bir maddədən deyil, pomidorun tərkibində olan likopen və polifenollar da daxil olmaqla müxtəlif birləşmələrin kompleks təsirindən qaynaqlanır. Bu maddələr birlikdə bir neçə xəstəlik mexanizmini hədəfləyir və ayrı-ayrılıqda istifadə olunduqda olduğundan daha effektiv təsir göstərir.

Müəlliflərin fikrincə, bu cür əlavələr sağlam qidalanmaya əlavə kimi istifadə oluna bilər. Lakin onların effektivliyi hələ insan üzərində aparılan klinik tədqiqatlarla tam təsdiqlənməyib.

Jalə Rövşən

TodayPress TV