Bakı üzrə 2-ci səviyyədən aşağı nəticə göstərən şagirdlərin sayı azaldı
Riyazi savadlılıq üzrə nəticələrin bacarıq səviyyələrinə görə bölgüsündə Bakı şəhəri üzrə 2-ci səviyyədən aşağı olan şagirdlərin payı dərəcədə azalıb.
TodayPress TV xəbər verir ki, bunu PISA beynəlxalq qiymətləndirmə tədqiqatı ilə bağlı məlumatlandırma çıxışında elm və təhsil naziri Emin Əmrullayev deyib.
Nazirin sözlərinə görə, Bakı üzrə 2-ci səviyyədən aşağı nəticə göstərən şagirdlərin payı əvvəlki illərlə müqayisədə azalaraq 2025-ci ildə 37 faizə düşüb.
E.Əmrullayev bildirib ki, ümumilikdə Azərbaycan üzrə 2025-ci ildə şagirdlərin 51,6 faizi 2-ci səviyyədən aşağı, 20 faizi 2-ci, 13 faizi 3-cü, 4,7 faizi isə 4-cü və daha yuxarı səviyyələrdə nəticə göstərib.
Nazir qeyd edib ki, PISA-da 2-ci səviyyə şagirdlərin riyazi savadlılıq üzrə minimal bacarıq səviyyəsini ifadə edir. Bu baxımdan 2-ci səviyyədən aşağı nəticə göstərənlərin payının azalması müsbət dinamika kimi qiymətləndirilir.
E.Əmrullayev təqdimat zamanı digər ölkələrlə müqayisəli cədvəllərdə də şagirdlərin bacarıq səviyyələri üzrə bölgüsünün əks olunduğunu diqqətə çatdırıb.
Qeyd edək ki, PISA 15 yaşlı şagirdlərin riyaziyyat, oxu və təbiət elmləri üzrə bilik və bacarıqlarını, eləcə də bu bilikləri real həyatda tətbiq etmək qabiliyyətini qiymətləndirən beynəlxalq tədqiqatdır. Azərbaycan PISA 2025-də ilk dəfə ölkə üzrə genişmiqyaslı şəkildə iştirak edib.
Türkan İsgəndərli
