Ukrayna Rusiyaya qarşı bir neçə sanksiya paketi hazırlayır

Ukrayna Prezidenti Volodimir Zelenski Rusiya ilə müharibədə iştirak edənlərə və onların tərəfdaşlarına qarşı yeni sanksiya paketləri elan edib. Yeni məhdudiyyətlərin ilin sonuna qədər qüvvəyə minəcəyi bildirilib.

TodayPress TV xəbər verir ki, bu barədə yerli media məlumat yayıb.

Zelenski açıqlayıb ki, Rusiya hərbi sənayesi ilə əlaqəsi olan şəxslərə qarşı ən azı bir sanksiya paketi hazırlanır və bu, təkcə Rusiyadan deyil, xüsusilə Çindən olan şəxsləri də əhatə edəcək. Bundan əlavə, Rusiya hücumunu haqq qazandıran media nümayəndələri və idmançılar da sanksiya siyahısına daxil ediləcək.

Prezident qeyd edib ki, Ukrayna Avropa İttifaqı ilə birlikdə 20-ci Aİ sanksiya paketinin təfərrüatları üzərində işləyir və məqsəd Putinin və onunla əlaqəli oliqarxların enerji aktivlərinə təzyiqi artırmaqdır. Həmçinin, Kanadada yeni sanksiya paketi hazırlanır və Ukrayna məhdudiyyətlərin sinxronlaşdırılmasını davam etdirəcək.

Xatırladaq ki, dekabr ayında Ukrayna Rusiya neftini daşıyan təxminən 700 tankeri sanksiya siyahısına daxil edib. Sentyabr ayında isə hərbi-sənaye kompleksi, kölgə donanma və enerji sektorunu dəstəkləyən şəxslər və şirkətlərə qarşı yeni şəxsi sanksiyalar tətbiq olunub.

Türkan İsgəndərli

TodayPress TV