Rumıniyada ANTİ-REKORD - Doğum səviyyəsi minimumda
Rumıniyada yeni demoqrafik məlumatlara əsasən Avropa İttifaqında doğum səviyyəsi tarixi minimuma enib.
TodayPress TV xəbər verir ki, bu barədə "Mediafax" məlumat yayıb.
Rumıniya 2024-cü ildə Aİ ölkələri arasında doğum səviyyəsinin ən kəskin azaldığı dövlət olub. Ölkədə göstərici 1,54-dən 1,39 uşağa düşüb.
Məlumata görə, Avropa İttifaqında orta doğum səviyyəsi də azalaraq hər qadına 1,34 uşaq təşkil edib. Bu rəqəm 2001-ci ildən bəri ən aşağı göstərici kimi qeydə alınıb.
Bununla yanaşı, Rumıniyada qadınların ilk uşaqlarını orta hesabla 27,2 yaşında dünyaya gətirdiyi bildirilir. Bu göstərici yalnız Bolqarıstandan daha yüksəkdir.
