Putin vətəndaşlığı olmayan şəxslər üçün hərbi xidmət qaydalarını təsdiqlədi

Rusiyanın Hərbi xidmət qaydaları haqqında Əsasnaməyə dəyişikliklər edilib və bu dəyişikliklər Rusiya Silahlı Qüvvələrində vətəndaşlığı olmayan şəxslərin olmasını rəsmiləşdirib. 

TodayPress TV xəbər verir ki, bu barədə məlumat Rusiya Prezidenti Vladimir Putinin müvafiq fərmanı rəsmi hüquqi informasiya portalında dərc edilib.

Rusiya Prezidentinin 16 sentyabr 1999-cu il tarixli fərmanı ilə təsdiq edilmiş qaydaya edilən dəyişikliklər, vətəndaşlığı olmayan şəxslərin Rusiya ordusunda xidmət etməsinin əsas məsələlərini, o cümlədən Rusiya Federasiyası Müdafiə Nazirliyi ilə müqavilə bağlama prosedurunu və bu şəxslərə qoyulan tələbləri tənzimləyir.

Qeyd edək ki, vətəndaşlığı olmayan şəxslərə Rusiya Silahlı Qüvvələrində və digər Rusiya hərbi birləşmələrində xidmət üçün müqavilə bağlamaq hüququ verən federal qanun 2025-ci ilin iyul ayında qəbul edilib. Həmin vaxt "Hərbi vəzifə və hərbi xidmət haqqında", "Müdafiə haqqında" və "Hərbi qulluqçuların statusu haqqında" qanunlara dəyişikliklər edilib.

Aysel Mətləb

TodayPress TV