Kilsə sehr və ekstrasens reklamına qadağa çağırışı etdi

Rus Pravoslav Kilsəsi Rusiyada okkultizm, sehrbazlıq və ekstrasens xidmətlərinin reklamına federal səviyyədə qadağa qoyulmasını dəstəkləyib.

TodayPress TV "TASS"a istinadən xəbər verir ki bu barədə Rusiya Ailə, Analıq və Uşaqlığın Qorunması üzrə Patriarxal Komissiyanın sədri keşiş Fyodor Lukyanov bildirib.

Onun sözlərinə görə, bu cür xidmətlər vətəndaşlara ciddi maddi və mənəvi ziyan vurur və cəmiyyət üçün təhlükə yaradır. Kilsə hesab edir ki, okkultizmə qarşı qanunvericilik tədbirləri Ali Məhkəmənin ekstremizmə qarşı mövqeyi ilə də uzlaşır.

Lukyanov qeyd edib ki, ekstrasenslər, tarot oxuyucuları, astroloqlar və digər ezoterik fəaliyyət sahibləri insanları aldadır və dağıdıcı ideoloji təsir göstərirlər. O xatırladıb ki, Patriarx Kirill də əvvəllər bu cür fəaliyyətlərin reklamının məhdudlaşdırılmasının vacibliyini vurğulayıb.

Qeyd edək ki, Rusiya Prezidenti Vladimir Putin də son çıxışında “sehrbaz” və gizli xidmətlərin vətəndaşlara zərər verdiyini bildirərək bu sahədə mübarizənin zəruri olduğunu açıqlamışdı.

Jalə Rövşən

TodayPress TV