Ermənistan Rusiya olmadan Türkiyə və Azərbaycan sərhədinə dəmiryollarını bərpa etməyə hazırdır

“Türkiyə-Azərbaycan sərhədinə aparan dəmir yolu hissələri Rusiya tərəfinin güzəştli idarəetməsindədir. Əgər bu hissələrin vaxtında bərpası ilə bağlı problem yaranarsa, onların milli mülkiyyətə qaytarılmasına və dövlət büdcəsi vəsaiti hesabına bərpa edilməsinə hazırıq".

TodayPress TV xəbər verir ki, bunu Ermənistanın Baş naziri Nikol Paşinyan jurnalistlərlə söhbəti zamanı deyib.

O izah edib ki, maneələr yaranarsa, Ermənistan belə bir addım atmağa hazırdır. Baş nazir həmçinin Ermənistan-Türkiyə sərhədindəki dəmir yolunun Axurik hissəsinin, eləcə də Yerasxdan Naxçıvan sərhədinə qədər olan dəmir yolunun bərpasının vacibliyini vurğulayıb.

Paşinyan rusiyalı həmkarlarının bu işi mümkün qədər tez həyata keçirəcəklərinə ümid etdiyini bildirib və Rusiya Prezidenti Vladimir Putinlə regiondakı müsbət dəyişiklikləri, eləcə də onların Ermənistanla Rusiya və ya AİB arasında münasibətlərin inkişafı üçün yaratdığı imkanları müzakirə etdiklərini bir daha vurğulayıb.

Aysel Mətləb

TodayPress TV