Dünyanın ən uzun uçuşu tamamlandı

Dünyanın ən uzun uçuşu başa çatıb. 

TodayPress TV bildirir ki, Yer kürəsinin təxminən yarısını əhatə edən uçuş təxminən 29 saat davam edib. Çinin Şanxay şəhərindən havaya qalxan təyyarə Buenos Ayresə eniş edib. 

“China Eastern Airlines” təyyarəsi yanacaq doldurmaq üçün Yeni Zelandiyada dayanıb. 

“China Eastern Airlines” təyyarəsi 4 dekabr yerli vaxtla saat 2:00-da Şanxaydan havaya qalxıb və Buenos Ayresdəki “Ezeiza” Beynəlxalq Hava Limanına eniş edib. Planlaşdırılandan 10 dəqiqə tez eniş edən təyyarə dünyanın ən uzun kommersiya uçuşunu başa vurub. Uçuş təxminən 29 saat davam edib və 12.400 mil məsafə qət edib.

Təyyarə yanacaq doldurma və heyət dəyişikliyi üçün Yeni Zelandiyanın Oklend şəhərində dayanıb. Bu dayanma səbəbindən ən uzun fasiləsiz uçuş adı verilməyib.

Qeyd edək ki, əvvəlki rekord Sinqapur Hava Yollarının Nyu-York və Sinqapur arasında 19 saatlıq uçuşuna məxsusdur.

Dünyanın ən uzun uçuşunu qeyd etmək üçün Şanxay və Buenos Ayresdə mərasimlər keçirilib. Gələn təyyarə üçün Oklenddə qarşılama mərasimi keçirilib. 316 yerlik “Boeing 777-300ER” təyyarəsi artıq il ərzində həftədə iki dəfə uçuş həyata keçirəcək.

Bu titulu əvvəllər Nyu-York və Sinqapur arasında 19 saatlıq uçuş həyata keçirən Sinqapur Hava Yolları tuturdu. Lakin bu titulu yeni sahibi uzun müddət saxlamayacaq. 

Avstraliyanın milli aviaşirkəti Qantas, Sidney, London və Nyu-York arasında "Project Sunrise" uçuşları planlarını açıqladı. Təyyarə əlavə 20.000 litrlik yanacaq çəni sayəsində 22 saata qədər fasiləsiz uçuş edə biləcək. 2027-ci ildə istifadəyə verilməsi hədəflənən və 10.573 mil (təxminən 17.700 kilometr) məsafəni əhatə edən London-Sidney marşrutunun yeni titul sahibi olacağı gözlənilir.

TodayPress TV