Pinqvinlərin nəsli kəsilir
Cənubi Afrika Respublikasının (CAR) sahillərində balıq sayının kəskin azalması Afrika pinqvinlərinin sürətlə yox olmasına səbəb olur.
TodayPress TV xəbər verir ki, bu barədə CAR-ın Meşəçilik, Balıqçılıq və Ətraf Mühit Nazirliyinin Böyük Britaniyanın Ekseter Universiteti ilə birgə hazırladığı hesabatda yer alıb.
Məlumata görə, son 30 ildə Afrika pinqvinlərinin sayı 95% azalıb. 2004-2011-ci illər arasında isə 60 mindən çox pinqvin aclıqdan ölüb.
Hazırda vəhşi təbiətdə cəmi 20 min Afrika pinqvini qalıb. Mütəxəssislər xəbərdarlıq edir ki, bu sürətlə davam edərsə, pinqvinlər 2036-cı ilə qədər tamamilə məhv ola bilər.
Türkan İsgəndərli
