Fransadakı həbsxanalarda sıxlıq PROBLEMİ

Fransada həbsxanalar ciddi sıxlıq problemi ilə üzləşib.

TodayPress TV “Le Figaro” qəzetinə istinadla xəbər verir ki, hər ay məhbusların sayı artır və bu, sistemə əlavə yük yaradır. 

2024-cü il dekabrın 1-nə olan rəsmi statistikaya əsasən, həbsxanalardakı ümumi sıxlıq 129,5 faiz olub. Bəzi müəssisələrdə isə bu göstərici 200 faizə çatıb.

Fransa hökuməti vəziyyətdən çıxış yolu kimi bəzi əcnəbi məhbusların Şərqi Avropadakı həbsxanalara köçürülməsini nəzərdən keçirir.

Bu addım Danimarka və Kosovo nümunələrinə bənzəyir. 

Qeyd edək ki, Fransa həbsxanaları maksimum 62 min nəfər üçün nəzərdə tutulsa da, hazırda orada təxminən 83 min məhbus saxlanılır. 

Türkan İsgəndərli