Almaniya Çini Ukraynada sülhü təşviq etməyə çağırır

Almaniyanın xarici işlər naziri İohann Vadeful Pekində Çinin xarici işlər naziri Vanq Yi ilə görüşü zamanı Çin tərəfini öz təsir imkanlarından istifadə etməyə və Ukraynadakı müharibəni tez bir zamanda dayandırmaq üçün beynəlxalq səyləri dəstəkləməyə çağırıb.

TodayPress TV xəbər verir ki, bu barədə Çin Xalq Respublikasının Xarici İşlər Nazirliyinin saytında məlumat verilib.

Məlumata görə, Vadeful Berlinin yanaşmasını açıqlayıb və ümid etdiyini bildirib ki, Çin Rusiyaya təsirindən istifadə edərək müharibəni bitirməyə qoşulacaq.

Vanq Yi cavabında Çinin Ukrayna məsələsində mövqeyini vurğulayıb. Onun sözlərinə görə, bütün tərəflər siyasi həll üçün hazırkı sürəti qoruyub saxlamalı, bir-biri ilə əlaqə saxlamalı və dialoq yolu ilə "ədalətli, davamlı və məcburi" sülh razılaşmasına nail olmaq üçün çalışmalıdır.

O, həmçinin bildirib ki, Pekin sülhə yönəlmiş istənilən təşəbbüsləri dəstəkləyir.

Aysel Mətləb

TodayPress TV