Səbuhi Əlizadə medal yolunda daha bir addım atdı!
Xorvatiyanın Poreç şəhərində boks üzrə U-23 Avropa çempionatı davam edir.
TodayPress TV xəbər verir ki, 39 ölkədən 276 idmançının qatıldığı yarışın ikinci günündə Azərbaycan millisinin daha bir üzvü növbəti mərhələyə vəsiqə qazanıb.
Səbuhi Əlizadə (+90 kq) 1/8 final mərhələsində Ermənistan təmsilçisi İşxan Hovsepyanla qarşılaşıb. Rəqib üç xəbərdarlıq aldığı üçün diskvalifikasiya olunub və Əlizadə mübarizəni davam etdirmək hüququ qazanıb.
Azərbaycan boksçusu 1/4 finalda bolqarıstanlı Kiril Georgiyevlə üz-üzə gələcək. İlk mərhələdən azad olan idmançılar arasında yer alan Georgiyevlə görüş noyabrın 20-də keçiriləcək. Qarşılaşmanın qalibi yarımfinala yüksələcək.
Namiq HUN


