Millimiz çövkən üzrə ilk Avropa çempionatında çıxış edəcək

Azərbaycanın çövkən üzrə yığma komandası 3-7 iyun tarixində Polşanın Şonovitse şəhərində keçiriləcək ilk Avropa çempionatında çıxış edəcək.

TodayPress TV xəbər verir ki, Beynəlxalq Çövkən Federasiyasının təşkilatçılığı ilə təşkil olunacaq yarışda 6 ölkə millisi qələbə uğrunda mübarizə aparacaq.  

Dünya çempionu olan Azərbaycan komandası ilə yanaşı, Böyük Britaniya, Macarıstan, Malta, Polşa və Türkiyə milliləri də çövkən üzrə ilk Avropa çempionatının baş mükafatına iddia edirlər.

Qeyd edək ki, çempionat çərçivəsində iyunun 4-də Beynəlxalq Çövkən Federasiyasının üçüncü Baş Assambleyası da baş tutacaq. 

Namiq HUN