Putin və Ərdoğan Aşqabadda Ukrayna məsələsini müzakirə ediblər

Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan Aşqabadda keçirilən görüşdə Ukraynadakı vəziyyət, eləcə də regional və beynəlxalq gündəliklə bağlı fikir mübadiləsi aparıblar.

TodayPress TV xəbər verir ki, bu barədə “RİA”ya Rusiya Prezidentinin mətbuat katibi Dmitri Peskov məlumat verib. 

Onun sözlərinə görə, danışıqlar iki ölkənin nümayəndə heyətlərinin iştirakı ilə baş tutub və təxminən 40 dəqiqə davam edib.

Qeyd edək ki, Vladimir Putin dekabrın 12-də Türkmənistanın paytaxtı Aşqabada forumda iştirak etmək üçün səfər edib. Forum Türkmənistanın daimi neytrallıq elan etməsinin 30 illiyinə və BMT tərəfindən təsis edilmiş Beynəlxalq Neytrallıq Gününə həsr olunub.

Qiymət Mahir

TodayPress TV