Kubada enerji böhranı dərinləşir – BMT yardım yolları axtarır
BMT humanitar məqsədlərlə Kubaya neft tədarükü üzrə danışıqlar aparır.
TodayPress TV xəbər verir ki, bu barədə onlayn brifinqdə BMT-nin Humanitar Məsələlərin Əlaqələndirilməsi İdarəsinin nümayəndəsi Edem Vosornu bildirib.
"Ölkə boyu humanitar yardımın çatdırılması məqsədilə yanacağın daxil olmasını təmin etmək üçün BMT tərəfindən söhbətlər və müzakirələr aparılır", - deyə o vurğulayıb.
Vosornunun sözlərinə görə, kəskin yanacaq qıtlığı humanitar yardımın çatdırılmasını məhdudlaşdırır, halbuki ona ehtiyac sürətlə artır.
Qeyd edək ki, Kuba Prezidenti Miqel Dias-Kanel adada enerji böhranının "xalqı girov götürməyə və onu öz hökumətinə qarşı qaldırmağa" yönəlmiş Vaşinqton administrasiyası tərəfindən iqtisadi blokadanın sərtləşdirilməsi səbəbindən kəskinləşdiyini bəyan edib.
