Cənubi Koreyanın keçmiş prezidenti üçün 10 il həbs cəzası istənildi

Cənubi Koreyanın Seul Mərkəzi Rayon Məhkəməsindəki xüsusi prokuroru, ədalət mühakiməsinə mane olmaq ittihamı ilə keçmiş prezident Yun Sok-yelin 10 il həbs cəzasına məhkum edilməsini tələb edib.

TodayPress TV xəbər verir ki, bu barədə prokurorluq keçmiş prezidentin işi üzrə son dinləmədə ifadə verib.

Prokurorlar onu 2025-ci ilin yanvar ayında prezident iqamətgahının içərisində barrikada quraraq müstəntiqlərin həbsinə mane olmağa çalışmaqda ittiham edirlər.

Keçmiş prezident, həmçinin hərbi vəziyyət planını nəzərdən keçirmək üçün iclasa çağırılmayan doqquz kabinet üzvünün hüquqlarını pozmaqda da ittiham olunur.

Qeyd edək ki, hazırda islah müəssisəsində olan Yun Sok-yel bütün ittihamları rədd edir. Hökmün yanvarın 16-sı ətrafında oxunacağı gözlənilir.

Aysel Mətləb

TodayPress TV