"Sabah" Azərbaycan Basketbol Liqasının yarımfinal mərhələsinə qələbə ilə başladı
Azərbaycan Basketbol Liqasında yarımfinal mərhələsinə start verilib.
TodayPress TV-nin məlumatına görə, ilk oyun günündə "Gəncə" ilə qarşılaşan "Sabah" qələbə qazanıb.
Bakı İdman Sarayında baş tutan matç "bayquşlar"ın 96:67 hesablı üstünlüyü ilə bitib.
Qeyd edək ki, yarımfinal mərhələsinin digər görüşündə sabah "Abşeron Lions" və "Neftçi" komandaları münasibətləri aydınlaşdıracaqlar. İki qələbəyə çatan tərəf finala yüksələcək.
