Populyarlığın qorxulu üzü: Sofi Kanninqem təqib olunur
ABŞ-nin “İndiana Fever” klubunun 30 yaşlı basketbolçusu Sofi Kanninqem azarkeşlərin ona qarşı həddindən artıq marağı səbəbindən təhlükəsizlik problemləri ilə üzləşdiyini açıqlayıb. İdmançının sözlərinə görə, Federal Təhqiqatlar Bürosu (FTB) onun təhlükəsizliyini təmin etmək məqsədilə təxminən 20 nəfəri izləyir.
TodayPress TV xəbər verir ki, Kanninqem bu barədə Teo Vonun aparıcılıq etdiyi “This Past Weekend” podkastının buraxılışında danışıb.
“Bizim çoxlu təqibçilərimiz var. Bilirəm ki, mənim də belə şəxslərim var. Bu, populyarlığın insanların adətən düşünmədiyi digər tərəfidir. Bunu danışmağa icazəm olub-olmadığını belə bilmirəm, amma görünür, FTB mənim təhlükəsizliyim üçün təxminən 20 nəfəri izləyir. Və bu, yalnız mənim vəziyyətimə aiddir”, – deyə basketbolçu bildirib.
Kanninqem hazırda həbsdə olduğu ehtimal olunan təqibçilərindən biri barədə də danışıb. Söhbət 2026-cı ilin iyununda təqib, təhdid və narahat etmə ittihamları ilə saxlanılan Kevin Sinqhdən gedir.
İş materiallarına əsasən, həmin şəxs Kanninqemə dəfələrlə təhdid xarakterli mesajlar göndərib, həmçinin “İndiana” klubunun ev arenasına şəxsən bağlama gətirib.
Bununla belə, FTB-nin basketbolçunun təhlükəsizliyi naminə 20 nəfəri izləməsi barədə məlumat hələlik rəsmi şəkildə təsdiqlənməyib.
Namiq HUN
