İtaliyalı futbolçu "Napoli"yə transfer oluna bilər

İtaliyanın "Napoli" klubu A Seriyasının digər təmsilçisi "Udineze"nin hücumçusu Lorenzo Lukkanı heyətinə qatmağı planlaşdırır.

TodayPress TV xəbər verir ki, bu barədə insayder Fabritsio Romano sosial şəbəkə hesabında məlumat yayıb.

Neapol kollektivi 24 yaşlı italiyalı oyunçu üçün 30 milyon avro ödəməyə hazırdır. Forvard özü də "Napoli"yə keçməyə razılıq verib. Hazırda tərəflər müqavilənin yekun detallarını müzakirə edirlər.

Qeyd edək ki, L.Lukka ötən mövsüm "Udineze"nin heyətində 36 matçda 14 qol vurub və 3 məhsuldar ötürmə edib. Onun müqaviləsi 2028-ciin yayında başa çatacaq.