Azərbaycan millisi dünya çempionatında zəfər üçün yola çıxır!
Azərbaycanın U-16 milli komandası FIFA U-15 Dünya Çempionatı və Festivalı üçün inşa edilən Hövsan Yarış Kompleksində hazırlıqlara başlayıb.
TodayPress TV xəbər verir ki, məşqdən əvvəl A milli komandamızın baş məşqçisi Ayxan Abbasov gənc futbolçular və məşqçilər heyəti ilə görüşərək onlara turnirdə uğurlar arzulayıb:
“15 yaşınızda dünya çempionatında iştirak etmək hüququ qazandığınız üçün çox şanslısınız. Bu, karyeranız boyunca unudulmaz xatirə kimi qalacaq. Sizə inamımız yüksəkdir”.
Daha sonra o, yığmanın məşqini tribunadan izləyib.
Qeyd edək ki, Azərbaycan millisi turnirdə ilk oyununu oktyabrın 24-də, saat 19:30-da “Crystal Hall”da Şərqi Timor yığmasına qarşı keçirəcək. Komandamızın qrup mərhələsindəki digər rəqibləri Andorra, Avstraliya, İsrail və Haiti seçmələri olacaq.
Namiq HUN
FOTOLAR
