Gənc ulduzdan böyük zəfər: Andreyeva WTA-nın zirvəsinə yüksəldi!
2026-cı il “Roland Qarros” turnirinin qalibi, dünya reytinqinin üçüncü pilləsində qərarlaşan rusiyalı tennisçi Mirra Andreyeva WTA-nın Yekun turnirinin 2004-cü ildən bəri ən gənc qalibi olub.
TodayPress TV xəbər verir ki, 19 yaşlı tennisçi bu uğura ukraynalı Elina Svitolinanı finalda məğlub etməklə nail olub.
Andreyeva həlledici qarşılaşmada rəqibinə 7:5, 6:3 hesabı ilə qalib gəlib. Turnirin qalibi olduğu vaxt onun 19 yaşı 200 günü tamam olub.
2003-cü ildən tətbiq edilən qrup mərhələli yeni formatda Andreyeva ilə müqayisədə daha gənc yaşda çempionluq qazanan yeganə tennisçi Mariya Şarapova olub. Rusiyalı tennisçi 2004-cü ildə bu turnirin qalibi olarkən 17 yaşında və 210 günlük olub.
Qeyd edək ki, Andreyeva 2026-cı il mövsümündə fərdi yarışlarda ümumilikdə dörd titul qazanıb. O, WTA-nın Yekun turniri ilə yanaşı, “Roland Qarros”da, eləcə də Adelaide və Linzdə keçirilən WTA 500 kateqoriyalı yarışlarda çempion olub.
Namiq HUN