Yaxın Şərq münaqişəsi məhsulların qiymətlərini artırır

ABŞ və İsrailin İrana qarşı hərbi əməliyyatları və Yaxın Şərqdə gərginliyin artması qlobal neft, qaz, şəkər, gübrə, alüminium və heliumun qiymətlərinin yüksəlməsinə səbəb olub.

TodayPress TV xəbər verir ki, bu barədə "The New York Times" məlumat yayıb.

Məlumata görə, azot gübrəsi olan karbamidin qiyməti münaqişə başlayandan bəri 35% artıb, Hörmüz boğazının bağlanması səbəbindən kükürd ixracı çətinləşib.

Şəkər və etanol istehsalı da neft qiymətlərinin artması və Braziliyada zavodların diqqətini etanola yönəltməsi ilə təsirlənib. Qətər və Bəhreyndə alüminiumun qiymətləri dörd ilin ən yüksək səviyyəsinə qalxıb, regionun helium istehsalı isə Ras Laffan şəhərində tətillər səbəbindən dayanıb.

Türkan İsgəndərli

TodayPress TV