Çernobılda qeyri adi canlılar: Bir-birindən ayırmaq olmur

Çernobıl Radiasiya-Ekoloji Biosfer Qoruğunun elmi şöbəsinin müdiri Denis Vişnevski təcrid zonasında mutantların olması ilə bağlı sualı cavablandırıb.

TodayPress TV xəbər verir ki, o, bu barədə "RBC-Ukraine"a verdiyi müsahibədə danışıb.

Alimin sözlərinə görə, geniş yayılmış inancın əksinə olaraq, Çernobıl zonasında yaşayan heyvanlar arasında nəzərəçarpacaq və geniş yayılmış mutasiyalar müşahidə edilmir. O, mövcud radiasiya səviyyəsinin geniş miqyaslı anomaliyalara səbəb olacaq qədər yüksək olmadığını qeyd edərək bildirib: “Hətta bəzi heyvanları tutsaq belə, onları vizual olaraq digərlərindən ayırmaq mümkün deyil”.

Mütəxəssis həmçinin qeyd edib ki, təbiətdə ciddi anomaliyası olan fərdlərin yaşamaq qabiliyyəti aşağı olur. Buna görə də Vişnevski belə bir nəticəyə gəlib ki, əgər mutasiyalar toplanırsa, bu, çox vaxt onların sağ qalma rəqabətindən kənarlaşmasına gətirib çıxarır. 

Jalə Rövşən 

TodayPress TV