Avtobus ağır qəzaya uğradı: 6 nəfər öldü
Türkiyənin cənubundakı Osmaniye vilayətində sərnişin avtobusu yük maşınına çırpılıb.
TodayPress TV xəbər verir ki, bu barədə "Anadolu Agentliyi" məlumat yayıb.
Qəza nəticəsində 6 nəfər həyatını itirib, 11 nəfər yaralanıb. Toqquşma nəticəsində avtobus ciddi ziyan görüb və bəzi sərnişinlər nəqliyyat vasitəsinin içərisində sıxılıb qalıb.
Hadisə yerinə çox sayda yanğınsöndürən, təcili yardım, polis və jandarma qüvvələri cəlb edilib.
Türkan İsgəndərli
