30-a yaxın sənədin rəqəmsallaşdırılması üçün hüquqi baza yaradılıb
"Ötən il “Fərdi məlumatlar haqqında” qanuna uyğun olaraq bir sıra layihələr həyata keçirilib".
TodayPress TV xəbər verir ki, bunu İnnovasiya və Rəqəmsal İnkişaf Agentliyinin fəaliyyətinə dair illik mətbuat konfransında agentliyin İdarə heyətinin sədri Fərid Osmanov deyib.
Onun sözlərinə görə, bu dəyişikliklər nəticəsində artıq 30-a yaxın sənədin rəqəmsal formada təqdim edilməsi üçün hüquqi əsaslar formalaşdırılıb.
"Sürücülük vəsiqəsi, şəxsiyyət vəsiqəsi, lisenziyalar, icazələr və digər rəsmi sənədlərin rəqəmsal formatda təqdim edilməsi artıq qanunvericiliklə təsbit olunub".
Sədr əlavə edib ki, ilkin qanunvericilik fəaliyyəti 2025-ci ildə müvafiq və adekvat hüquqi çərçivənin formalaşdırılması əsasında həyata keçirilir.
Belə ki, ilin əvvəlində Rəqəmsal İnkişaf Konsepsiyası təsdiqlənib, daha sonra isə Süni İntellekt Strategiyası qəbul olunub. Bu sənədlər süni intellektin formalaşdırılması və süni intellekt üçün məlumatların əlçatanlığının təmin edilməsini prioritet istiqamət kimi müəyyən edib.
Türkan İsgəndərli
