Yaponiya ilk dəfə olaraq qadın baş nazir seçiləcək
Yaponiya parlamentinin aşağı palatası oktyabrın 21-də keçiriləcək növbədənkənar iclasda yeni baş nazirin seçilməsi üçün səsvermə keçirəcək.
TodayPress TV xəbər verir ki, hakim Liberal Demokrat Partiyasının (LDP) lideri Sanae Takaiçinin yeni hökumət başçısı seçiləcəyi ehtimal olunur. Bu, Yaponiya tarixində ilk dəfə qadının baş nazir postuna gəlməsi anlamına gələcək.
Məlumata görə, həmin gün səhər, səsvermədən az əvvəl, hazırkı baş nazir Şigeru İşiba və onun kabineti istefa verəcək.
Xatırladaq ki, İşiba 386 gün ərzində ölkənin baş naziri vəzifəsini icra edib. Onun istefası ilə Yaponiyada siyasi rəhbərlikdə yeni mərhələnin başlanacağı gözlənilir.
Aynur TAC
