Sürücü sükan arxasında öldü

Türkiyənin Qaziantep şəhərində sərnişin daşıyan avtobusun sürücüsü sükan arxasında ürək tutmasından vəfat edib.  

TodayPress TV xəbər verir ki, bu barədə “TRT Haber” məlumat yayıb.  

Bildirilib ki, sürücünün huşunu itirməsi nəticəsində avtobus nəzarətdən çıxıb. Bu zaman arxada olan bir sərnişin dərhal sükanı ələ alaraq avtobusu idarə edib və nəqliyyat vasitəsini nəzarətli şəkildə yolun kənarındakı arakəsməyə çıxarıb. Nəticədə, böyük faciənin qarşısını alıb. 

Dərhal hadisə yerinə polis və təcili tibbi yardım briqadaları göndərilib.  

Hadisə yerinə çatan tibb işçiləri sürücünün həyatını xilas edə bilməyiblər. 

Aysel Mətləb