Rutte: “ABŞ-nin İrana zərbələri beynəlxalq hüquqa zidd deyil”
Şimali Atlantika Alyansı ABŞ-nin İrana qarşı endirdiyi hava zərbələrini beynəlxalq hüququn pozulması kimi qiymətləndirmir.
TodayPress TV xəbər verir ki, bu barədə NATO-nun Baş katibi Mark Rutte alyansın sammiti öncəsi keçirdiyi mətbuat konfransında bildirib.
“Xeyr, mən hesab etmirəm ki, ABŞ-nin endirdiyi zərbə beynəlxalq hüququ pozur”, - deyə Rutte bildirib.
O, çıxışında ən böyük narahatlığının İranın nüvə silahı əldə etməsi və onu yerləşdirməsi ehtimalı olduğunu vurğulayıb.
Rutte bildirib ki, beynəlxalq ictimaiyyətin əsas diqqəti bu təhlükənin qarşısının alınmasına yönəlməlidir.
Töhfə Səməd
