Kiyevdə elektriklər kəsildi, insanlar metroda qaldı

Kiyevin metro stansiyalarının yeraltı hissələri sərnişinlərlə dolub.

TodayPress TV xəbər verir ki, bu barədə “İnsayder” nəşrinin yaydığı videolar şahidlik edir.

Elektrik enerjisinin tez-tez kəsilməsi səbəbindən pik saatlarda nəqliyyat sistemində böhran yaranıb:

“Stansiyalar sərnişinlərlə dolub. Şəhərdə qüvvədə olan hava həyəcanı vəziyyəti daha da pisləşdirir”.

Qeyd edək ki, Kiyevin Şevçenko rayonunda yerləşən 330 kV-luq “Nivki” yarımstansiyası - magistral elektrik şəbəkəsinin böyük qovşağı zədələnib. Bundan sonra paytaxtın dörd rayonunda elektrik enerjisi kəsilib. Həmçinin metronun bütün xətlərinin fəaliyyətinin dayandırıldığı barədə məlumat verilib.

Aysel Mətləb