Polşa: Aİ Rusiyaya sərt sanskiyalar tətbiq etməlidir
"Ukraynada atəşkəs əldə olunmasa, Avropa İttifaqı Rusiyaya qarşı daha sərt sanksiyalar paketi qəbul edə bilər".
TodayPress TV xəbər verir ki, bunu Polşanın xarici işlər naziri Radoslav Sikorski bildirib.
Onun sözlərinə görə, belə bir addım ABŞ-də də müzakirə olunur və senator Lindsi Qremin təklif etdiyi sanksiyalar paketi nümunə ola bilər.
Sikorski qeyd edib ki, əgər ABŞ prezidenti Donald Tramp danışıqların faydasız olduğuna qərar versə, bu, Qərbin cavabını sərtləşdirə bilər.
O həmçinin vurğulayıb ki, Aİ bu məsələdə geridə qalmamalı və Ukraynanın pilotsuz təyyarələr kimi hərbi texnologiyalar sahəsində potensialına sərmayə yatırmalıdır.
Türkan İsgəndərli
