Norveçin müvəqqəti işlər vəkili Rusiya XİN-ə çağırıldı
Norveçin Rusiyadakı müvəqqəti işlər vəkili Rusiya Xarici İşlər Nazirliyinə (XİN) çağırılıb və ona rus balıqçılıq şirkətlərinin gəmilərinə tətbiq edilən məhdudiyyətlərlə bağlı etiraz notası təqdim olunub.
TodayPress TV xəbər verir ki, bu barədə Rusiya diplomatik qurumu məlumat yayıb.
Rusiya XİN-in bəyanatında qeyd olunub ki, Oslonun "məsuliyyətsiz" addımları Şimali Atlantikada dəniz bioloji ehtiyatlarının gələcəkdə səmərəli istismarını təhlükə altına qoyur.
"Əgər Norveç 1976-cı il sazişinin icrasına qayıtmağa hazır olmazsa, Rusiya yerli balıqçılıq sektorunun maraqlarını qorumaq üçün müvafiq tədbirlər görəcək", - deyə Rusiya XİN-i bəyan edib.
Töhfə Səməd
