Livanın səyahət sənayesi çökür

"Hizbullah"-İsrail münaqişəsinin başlamasından bəri Livan turizm agentliklərində fəaliyyət təxminən 80% azalıb.

TodayPress TV xəbər verir ki, bu barədə Livandakı Səyahət və Turizm Ofisləri Sahibləri Sindikatının sədri Jean Abboud xəbərdarlıq edib.

O bildirib ki, uzunmüddətli münaqişə bir çox agentliyi iflasa sürükləyə bilər və illərdir davam edən böhranlar nəticəsində onsuz da məhv olan sektorda yüzlərlə iş yerini təhlükəyə atır. O xəbərdarlıq edib ki, uzunmüddətli müharibə bir çox agentliyi tamamilə bağlamağa məcbur edə bilər və yüzlərlə işçini işsiz qoya bilər:

"Livana hava yolu ilə gəlib-getmək getdikcə çətinləşir. Uçuşlar hazırda əsasən Livanın milli aviadaşıyıcısı olan "Middle East Airlines" ilə məhdudlaşır və bir neçə marşrut hələ də "Royal Jordanian" və "Turkish Airlines" tərəfindən xidmət göstərilir. Yaxın Şərqdə hava məkanının məhdudlaşdırılması aviaşirkətləri uçuşların istiqamətini dəyişdirməyə məcbur edib və bu da bəzi marşrutlarda bilet qiymətlərini 900 faizə qədər artırıb".

Aysel Mətləb

TodayPress TV