İran ABŞ-ni Yaxın Şərqdəki bütün bazalarını vurmaqla hədələyir

İranın müdafiə naziri Əziz Nəsirzadə bildirib ki, Tehran ABŞ ilə silahlı münaqişə olacağı təqdirdə Yaxın Şərqdəki bütün Amerika hərbi bazalarını vuracaq.

TodayPress TV xəbər verir ki, bu barədə "TASS" məlumat yayıb.

“Bizə silahlı qarşıdurma məcbur edilərsə, düşmənin itkiləri mütləq daha çox olacaq və bu halda ABŞ regionu tərk etməli olacaq”, - deyə o bildirib.

Nazirin sözlərinə görə, İranın əli çatan bütün Amerika bazalarına çəkinmədən hücum ediləcək.

Eyni zamanda o, Amerika tərəfi ilə danışıqların uğurlu olacağına ümid etdiyini də bildirib.

Töhfə Səməd