Erməni ordusu bu “sovet ənənəsi”ndən imtina edir
Ermənistan ordusunda hərbi salamlaşma qaydaları dəyişdirilə bilər.
TodayPress TV Axar.az-a istinadən xəbər verir ki, bu barədə “Hraparak” qəzeti məlumat yayıb.
Nəşrin məlumatına görə, hərbçilərə baş geyimi olmadan hərbi salam vermək tapşırıla bilər. Hazırda hərbi salam baş geyiminə əl aparmaqla verilir. Bu qayda sovet və Rusiya ordularının ənənəsinə uyğundur. Yeni qaydanın NATO ölkələrinin ordularındakı praktikaya uyğun olacağı bildirilir.
Ermənistan Müdafiə Nazirliyi isə belə bir qərarın qəbul edilmədiyini bildirib. Bununla yanaşı, məsələ ilə bağlı müzakirələrin aparıldığını təsdiqləyib.
