Əraqçidən gözlənilməz açıqlama: “Həqiqət üzə çıxanda…”

İranın xarici işlər naziri Abbas Əraqçi ABŞ-nin ölkəsinə qarşı hərbi əməliyyatları ilə bağlı açıqlama verib.

TodayPress TV xəbər verir ki, bu barədə o sosial şəbəkə hesablarından birində paylaşım edib.

Əraqçi bildirib ki, İranın müdafiəsiz olduğu barədə yayılan məlumatlar həqiqəti əks etdirmir. Onun sözlərinə görə, ABŞ-a məxsus yüzlərlə hərbi obyekt məhv edilib, onlarla hava gəmisi isə sıradan çıxarılıb.

İran XİN rəhbəri bu məlumatların Pentaqonun açıqlamalarına əsaslandığını iddia edib.

“İranın müdafiəsiz olduğu barədə yayılan məlumatlar uydurmadır. ABŞ-nin yüzlərlə hərbi obyekti məhv edilib, onlarla hava gəmisi yandırılıb. Bu, yalnız aysberqin görünən hissəsidir”, – Əraqçi deyib.

Nazir əlavə edib ki, baş verənlərlə bağlı bütün detallar gələcəkdə açıqlanacaq. Onun sözlərinə görə, İran haqqında yalan məlumat yayanlar üçün bu açıqlamalar “xoşagəlməz” olacaq.

Kübra Musayeva