Əraqçi: “Rusiya ilə məsləhətləşmələr böyük əhəmiyyət daşıyır”

İran İslam Respublikasının xarici işlər naziri Abbas Əraqçi Rusiya Prezidenti Vladimir Putinlə görüş üçün Moskvaya səfəri zamanı açıqlama verib.

TodayPress TV xəbər verir ki, onun sözlərinə görə, hazırkı təhlükəli şəraitdə Tehran Moskva ilə məsləhətləşmələrə böyük önəm verir.

“Yeni və təhlükəli vəziyyətin yarandığı bir zamanda, beynəlxalq nizam faktiki olaraq təhdid altındadır. Belə bir şəraitdə Rusiya ilə məsləhətləşmələrimiz şübhəsiz ki, böyük əhəmiyyət kəsb edir”, - deyə Əraqçi İranın dövlət televiziyasına müsahibəsində bildirib.

Nazir əlavə edib ki, tərəflər arasında mövqelərin koordinasiyası istiqamətində səylər davam etdirilir.

Töhfə Səməd