Britaniyadan tarixi elan: Artıq əsas düşmənimiz Rusiyadır

Britaniyanın yüksək rütbəli dəniz komandanı Kral Dəniz Qüvvələrinin əsaslı şəkildə gücləndirilməsinə çağırıb.

TodayPress TV xəbər verir ki, “The Telegraph” qəzetinin məlumatına görə, Britaniyanın Birinci Dəniz Lordu, general Ser Qvin Cenkins Rusiyanı ölkənin təhlükəsizliyi üçün hazırda ən böyük təhdid kimi qiymətləndirib. 

O bildirib ki, Britaniya müdafiə hazırlığını artırmalı və dəniz ölkəsi olmağın nə demək olduğunu yenidən nəzərdən keçirməlidir. Cenkinsin sözlərinə görə, Rusiyanın sualtı qayıqları, uzaqmənzilli silahları və artan sualtı imkanları qarşısında mübarizə aparmaq getdikcə çətinləşir.

Britaniya komandanlığı hesab edir ki, Atlantik okeanının təhlükəsizliyinin təmin olunması üçün daha çox hərbi gəmi, pilotsuz uçuş aparatları və döyüşə hazır qüvvələrə ehtiyac var.

Xəbərdarlıq Şimali Atlantikanın yenidən Britaniyanın müdafiə prioritetlərinin mərkəzinə qaytarılması çağırışını gündəmə gətirib. Rusiyanın sualtı fəaliyyətinin genişlənməsi və kritik dəniz infrastrukturuna qarşı təhdid imkanlarının artması Böyük Britaniya və NATO müttəfiqlərinin Soyuq müharibədən sonra zəifləyən bəzi dəniz imkanlarını bərpa etməsi məsələsini aktuallaşdırıb.

Qeyd edilib ki, London üçün Atlantik okeanının təhlükəsizliyinin qorunması yalnız dəniz missiyası deyil, həm də NATO qüvvələrinin Avropaya çatdırılması və qitənin daha geniş təhlükəsizliyinin təmin olunması baxımından strateji əhəmiyyət daşıyır.

Jalə Rövşən