Britaniyada 58 ildən sonra dəhşətli hadisə baş verdi
Böyük Britaniyada 58 ildən sonra ilk dəfə buxar lokomotivi insanın ölümünə səbəb olub. Hadisə noyabrın 11-də Londonun qərbində yerləşən Hanvell stansiyasında baş verib.
TodayPress TV xəbər verir ki, “The Sun” qəzetinin məlumatına görə, 34028 Eddystone adlı buxar lokomotivi bir nəfəri vurub. Həmin şəxs hadisə yerində həyatını itirib.
Lokomotiv Xatirə Günü münasibətilə təşkil olunan xüsusi səfər üçün sərnişinləri götürməyə gedirmiş. Lakin faciədən sonra səfər ləğv edilib.
Kübra Musayeva
