BƏƏ prezidenti G7 sammitinə dəvət olundu

Birləşmiş Ərəb Əmirliklərinin (BƏƏ) prezidenti şeyx Məhəmməd bin Zayed Əl Nəhyan Kanada Baş naziri Mark Karni tərəfindən “Böyük Yeddilik” (G7) sammitində iştirak etməyə dəvət olunub.

TodayPress TV xəbər verir ki, bu barədə Əmirliklərin rəsmi informasiya agentliyi "WAM" məlumat yayıb.

Agentlik bildirib ki, bu dəvət BƏƏ-nin beynəlxalq əməkdaşlığın möhkəmləndirilməsi və qlobal iqtisadi sabitliyin təmin olunması, eləcə də enerji təhlükəsizliyi, qabaqcıl texnologiyalar və süni intellekt sahəsində qlobal problemlərin həllinə töhfəsinə verilən dəyərin göstəricisidir.

Qeyd edək ki, bu il G7 sammiti 15–17 iyun tarixlərində Kanadanın Alberta əyalətində keçiriləcək.

Töhfə Səməd