ABŞ-də Tramp əleyhinə etirazlar keçiriləcək

İyunun 14-də ABŞ prezidenti Donald Trampın siyasətinə qarşı genişmiqyaslı etiraz aksiyaları keçiriləcək. 

TodayPress TV xəbər verir ki, bu barədə "ABC7" məlumat yayıb.

Bildirilir ki, etirazları “Refuse Fashism” adlı təşkilat təşkil edir. Aksiya Trampın 79 yaşını qeyd etdiyi günə və ABŞ Ordusunun 250 illiyi münasibətilə Vaşinqtonda planlaşdırılan hərbi paradla eyni tarixə təsadüf edir.

Təşkilatçılar bildirirlər ki, bu aksiyalar Trampın “qanunun aliliyinə xələl gətirməsinə” və miqrantların deportasiya siyasətinə qarşı yönəlib.

Qeyd edək ki, Ağ Evin rəsmiləri iyunun 14-də hərbi paradın keçiriləcəyini təsdiqləyiblər. 

Türkan İsgəndərli