Bəxtiyar Məmmədov metropolitenin bu günə olan fəaliyyətindən danışdı
“Ötən illərlə müqayisədə bu il, sentyabrın 15-də metropolitenin fəaliyyətində ciddi problem qeydə alınmayıb”.
Bakı Metropoliteninin Mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov bu barədə TodayPress TV-yə açıqlamasında bildirib.
Onun sözlərinə görə, Bakı metropolitenində qatarların hərəkət cədvəli tam qaydasındadır və intervallar arasında heç bir pozuntu müşahidə olunmur. Bütün stansiyalar normal rejimdə fəaliyyət göstərir, nasazlıq və ya texniki problem qeydə alınmayıb.
B.Məmmədov vurğulayıb ki, ötən ilin sentyabr ayı ilə müqayisədə bu il metropolitenin ümumi fəaliyyəti daha stabildir.
Aysel Mətləb
