90-dan çox ölkənin vətəndaşı Azərbaycanda işləmək üçün müraciət edib
Cari ilin 6 ayı ərzində Azərbaycan ərazisində haqqı ödənilən əmək fəaliyyətilə məşğul olmaq üçün iş icazəsinin alınması (müddətinin uzadılması) ilə bağlı 92 ölkə vətəndaşı müraciət edib.
TodayPress TV xəbər verir ki, bu barədə "Report"un sorğusuna cavab olaraq Dövlət Miqraqsiya Xidmətinin (DMX) İctimaiyyətlə əlaqələr idarəsindən məlumat verilib.
Bildirilib ki, 2025-ci ilin yanvar - iyun ayları ərzində DMX-nə işlə bağlı 5950 müraciət daxil olub:
"Müvafiq dövr ərzində ölkədə haqqı ödənilən əmək fəaliyyəti ilə məşğul olmaq üçün iş icazəsi alan əcnəbilər arasında Türkiyə vətəndaşları üstünlük təşkil edir".
