Ərdoğan: “Şuşanın Turizm Paytaxtı seçilməsini təbrik edirəm”

Türkiyə Prezidenti Rəcəb Tayyib Ərdoğan Şuşanın 2026-cı il üzrə İqtisadi Əməkdaşlıq Təşkilatının Turizm Paytaxtı seçilməsi münasibətilə Azərbaycan Prezidenti İlham Əliyevi və bütün Azərbaycan xalqını təbrik edib.

TodayPress TV xəbər verir ki, Ərdoğan bu fikirləri Xankəndidə keçirilən İƏT Zirvə Görüşündə çıxışı zamanı səsləndirib.

O, turizm sahəsində əməkdaşlığın Təşkilat üçün xüsusi əhəmiyyət daşıdığını vurğulayıb və bildirib ki, 2025-ci ildə Turizm Paytaxtı elan olunan Ərzurumda qəbul ediləcək qərarlar gələcək üçün yol göstərici olacaq.

“Şuşanın 2026-cı il üzrə Turizm Paytaxtı seçilməsini təbrik edirəm. Bu münasibətlə qardaşım İlham Əliyevin şəxsində bütün azərbaycanlıları ürəkdən təbrik edirəm”, – deyə Ərdoğan qeyd edib.

Qiymət Mahir