“Tottenhem”də böhran – De Zerbi həqiqətləri açıqladı

“Tottenhem Hotspur” klubunun baş məşqçisi Roberto De Zerbi komandanın vəziyyəti və gələcək planları ilə bağlı açıqlama verib.

TodayPress TV xəbər verir ki, bu barədə “Sky Sports” nəşri məlumat yayıb.

İtaliyalı mütəxəssis bildirib ki, klubun gələcəyi Premyer Liqada qalmaqdan çox, rəhbərliklə münasibətlərdən asılıdır:

“Problem liqa deyil. Əsas məsələ rəhbərliklə əlaqələri qorumaq və eyni ideyalar ətrafında birləşməkdir”.

De Zerbi komandanın hazırkı durumunun çətin olduğunu gizlətməyib və futbolçulara çağırış edib:

“Vaxtımız yoxdur. Komandadakı parlaq fərdlər məsuliyyəti üzərinə götürməlidir”.

Mütəxəssis qeyd edib ki, mövsümün sonunda mümkün eniş olsa belə, o, komandada qalmağı planlaşdırır.

Xatırladaq ki, “Tottenhem” De Zerbinin rəhbərliyi altında ilk oyunda “Sunderlend” klubuna 0:1 hesabı ilə uduzub. Komanda hazırda turnir cədvəlində son üçlükdə yer alır və təhlükəsiz zonadan 2 xal geri qalır. 

Mövsümün bitməsinə 6 tur qalıb və London təmsilçisi 2026-cı ildə hələ qələbə qazana bilməyən yeganə komandadır.

Namiq HUN

TodayPress TV