Azərbaycan Premyer Liqasında sensasion start: “Qəbələ”dən parlaq qələbə!
Azərbaycan Premyer Liqasında IX tura start verilib.
TodayPress TV xəbər verir ki, turun açılış matçında “Araz-Naxçıvan” Şamaxı şəhər stadionunda “Qəbələ”ni qəbul edib.
Gərgin keçən qarşılaşma Qəbələ təmsilçisinin 2:1 hesablı qələbəsi ilə başa çatıb.
Qalib komandanın heyətində İsmael Akinade (8-ci dəqiqə) və İsaak Amoah (48-ci dəqiqə) fərqləniblər. Meydan sahiblərinin yeganə qoluna isə 36-cı dəqiqədə Mohamed Mara imza atıb.
Qeyd edək ki, günün ikinci matçında “Zirə” doğma meydanda “Sumqayıt”ı qəbul edəcək.
Azərbaycan Premyer Liqasının IX turuna oktyabrın 25-də yekun vurulacaq.
Namiq HUN
