Tamblinq millisi Dünya kubokuna qatılacaq

İkiqat dünya çempionu Mixail Malkin Portuqaliyada keçiriləcək Dünya kubokuna qatılacaq.

TodayPress TV xəbər verir ki, tamblinq üzrə Azərbaycan yığmasının lideri iyulun 5-də və 6-da Koimbrada mundialın mükafatları uğrunda mübarizə aparacaq. 

Malkinin komanda yoldaşlarından Adil Hacızadə, Tofiq Əliyev və Bilal Qurbanov da Portuqaliyada təşkil olunacaq Dünya kubokunda mübarizə aparacaqlar.

Qeyd edək ki, tamblinq üzrə milli komandamızın üzvləri bu il dünya çempionatında fərqləniblər. Bakıda təşkil olunan mövsümün ilk mərhələ yarışında Adil Hacızadə qızıl, Tofiq Əliyev isə gümüş medal qazanıb.

Namiq HUN